مسيرة الألف ميل نحو النجاح تبدأ بخطوة
إجعل يوتيوب خطوتك الأولى
كل ماتحتاجه هو حاسوب و هاتف باش تسجل الصوت... وداكشي لي باقي أنا غانتكلف به
ماتحتاجش تبان بوجهك أو يكون عندك حاسوب قوي او ميكروفون أو صوت زوين أو أو أو…
كل مامطلوب منك هو حاسوب عادي و هاتف عادي باش تسجل الصوت… وكلشي لي باقي أنا غانتكلف بيه!
أجي بعدا... قبل مانبداو خليني نقولك واحد المقدمة صغيرة على الكورس
و السبب حيت ماشي كلشي غايقدر يضرب تمارة لي غانعطيهالو هنا, و ماغانقولكش ديك الهدرة لي كيقولوها الأغلبية ديال الناس لي كيبيعو الكورسات و نبقى هابط عليك بأنا غانعطيك التعليم أنا غانعطيك الاسرار انا غانعطيك المهارات أنا غانعطيك…
أنا فهاد الكورس غانعطيك تمارة، سير ضربها و رد عليا الخبار
إوا مزيان... ولكن أجي بعدا! لمن هاد الكورس و شكون يقدر يستافد منو
غانشرحلك بالخشيبات، الواليدة اذا عطيتها هاد الكورس غاتقدر طبقو، كانبدى معاك من زيرو و كانعتابرك زرق ماكاتفهم والو… باش هاكا يقدرو جميع فئات المجتمع تستافد من هاد الكورس و حتى واحد مايخرج ضايع… و حتى اذا مافهمتيش شي حاجة أو وقعلك شي مشكل… غير صيفطلي ميساج و غانحلو ليك (المشكل).
كل مامطلوب منك هو تكون كاتفهم الدارجة و تكون واجد باش ضحي بالراحة ديالك و بصحابك و بالاستمتاع… حيت فالبداية ديالك فيوتيوب… غاتحتاج تسد عليك فبيتك و تخدم الأطول مدة تقدر عليها.
و ماتخافش راه دايرلك واحد المحور فالدورة خاص غير بتنظيم الوقت
شنو الفرق بين هاد الكورس و الكورسات العادية
تخيل معايا راسك واقف وسط واحد الغابة كبيرة و ماعارافش كيفاش تخرج منها… و نعتابرو الهدف ديالك كاين فلخر ديال هاد الغابة، يعني باش توصل لهدف ديالك خاسك تخرج من الغابة.
الكورس العادي هو الخريطة ديال طريق، منين الدوز باش توصل، صافي…
لي غايبيعلك الكورس ماشي مسوق واش غاتقدر دوز من طريق و واش عندك الماكلة الكافية باش تبقى عايش حتى تخرج من الغابة، هادشي بلا مانهدرو على أن كاين احتمال انك ماغاتعرفش تقرى الخريطة أصلا.
أما الكورس ديالي بسلامتي, فيه كلشي, كورس كامل متكامل، كورس يعجز اللسان عن وصف العظمة ديالو (عارف راسي زدت فيه)، هاد الكورس ماغانعطيكش فيه غير الخريطة، غانعطيك الخريطة و غانشرحهالك و غانعطيك المالكلة و غانعطيك الحوايج و غانبقى غادي معاك فطريق كانعاونك و غانوريك كيفاش تمشى و كيفاش تجري وكيفاش… المهم غانعطيك كلشي داكشي لي غاتحتاج، كل ماخاسك دير هو ضرب تمارة.
و هادو بعض المميزات لي كيميزو هاد الكورس على الكورسات لاخرين
شنو كاين فهاد الكورس وشنو غانلقى ملي غانشريه
أكثر من 40 فيديو كيشرحلك بالتفصيل أي حاجة غاتحتاجها فيوتيوب
هذا هو أول نظام شامل على النجاح في يوتيوب فالعالم العربي : غانبدى معاك من العقلية إلى تحقيق الدخل من القناة ديالك
كل محور غاتلقى فيه فيديوات متعمقة كانحاول نشرحلك فيهم كلشي بأبسط طريقة ممكنة و فأقل وقت ممكن
يعتمد كل تدريب على التدريب السابق ، ويوجهك خطوة بخطوة خلال العملية ، حتى لو لم تكن لديك خبرة سابقة في يوتيوب
إذا كان مافيك لي يقرى هادشي لي التحت، تقدر تفرج فهاد الكورس راه حاولت نشرح فيه كلشي
1 :
العقلية لي غاتحتاجها قبل مانبداو الرحلة ديالنا
العقلية هي المحطة لي غانركبو فيها و نبداو بها الرحلة ديالنا، هنا فين غانعطيك واحد الفكرة عامة على يوتيوب و على الكورس ديالنا… و غانشوفو علاش بزاف كيفشلو فيوتيوب و غانشوفو بضعة أخطاء كيديروها الناس ملي كيبداو
2 :
أساسيات و أسرار خوارزميات اليوتيوب
هاد المحور ماشي هو أهم محور فالكورس، و لكن المعرفة لي فيه هي أكثر حاجة تعدبت باش نفهمها، غادي نشرحلك الخوارزميات بالخشيبات و غاتفهم الأساسيات, و من بعد غانشوفو كيفاش تكبر فيوتيوب و غانفهمو المبدأ ديال النمو فيوتيوب، باش فلخر غانعطيك القواعد لي مبنية عليهم يوتيوب و كيفاش نقدرو نخدموهم فالصالح ديالنا
3 :
اختيار المجال و الفيديواهات لي تبدى بهم
ملي غاتفرج فالمحور ديال العقلية و ديال الخوارزميات، غايجي الوقت لأهم محور فالدورة، فهاد المحور غادي نشوفو واحد السر من أسرار النجاح في أي مشروع كيف ما كان و ماشي غير يوتيوب، و فهاد المحور فين غانبداو البراتيك و غانشارك معاك التجربة ديالي فيوتيوب و كيفاش قدرت نبان للناس و غانشوفو شخصيات اخرى مغربية و اجنبية و لي قدرو يطبقو نفس المنهجية لي خدمت أنا… كيما غانوريك كيفاش تقدر تجمع أول 10 فيديوهات لي غاتبدا بهم القناة ديالك… الى اخره من بزاف ديال الحوايج لي ماغايصلاحش ليا نهدر عليهم كاملين هنا
4 :
التخطيط للقناة و تنظيم الوقت
هاد المحور هو لي كايحول هاد الكورس من مجرد كورس عادي اللى كورس كامل… و للأسف تنظيم الوقت و التخطيط ماشي كلشي كاياخدهم بجدية، رغم أن هاد الجوج كيلعبو واحد الدور كبير فالنجاح ديالك فالحياة بصفة عاملة و ماشي غير يوتيوب و صافي
5 :
إنشاء القناة (دليل كامل للمبتدئين)
هاد المحور فيه غانشوف كيفاش تفتح قناة، ماغاتكونش شي حاجة سبيسيال و الأغلبية غايكون عارف داكشي، و لكن واخا هاكاك غانعتابرك ماكاتفهم والو و غانبدى معاك من كيفاش تفتح حساب جيمايل… و فلخر غانساليو بكيفاش تصايب لوغو و غلاف للقناة
كيما أنه فهاد المحور غانشوفو كيفاش تقدر طيليشارجي جميع البرامج لي غاتحتاج
6 :
صناعة محتوى يستحق المشاهدة
هاد المحور فين غاتبدى تخدم داك الراس لي عندك و تنوض ضرب شوية ديال تمارة، هنا فين غانعلمك كيفاش تكتب سكريبت ديال الفيديو و كيفاش تسجل الصوت غير بالتيليفون و يطلع بجودة عالية و فلخر غانكملو بكيفاش دير المونتاج
باش مانزيدش نطول اكثر، فهاد المحور غاتعلم 3 ديال المهارات لي غاينفعوك فحياتك كاملة : الكتابة – تحرير الصوت – تحرير الفيديو
7 :
رفع الفيديو على قناتك
اذا قريتي العنوان ديال المحور، غايبان ليك بلي غاتكون شي حاجة ديال المبتدئين و شي حاجة عادية، ولكن لاااااااااا…. ماتحكمش على الكتاب من العنوان ديالو
فهاد المحور غانشارك معاك السر باش أنك تكتب عنوان كيجيب المشاهدات، كيما غانشارك معاك السر باش الفيديو ديالك يبان هو الأول فمحرك البحث… الى اخره
8 :
الإجابة على أسئلة المشتركين
هاد الكورس راسي طاب باش قدرت نكملو… ولكن كانبقى انسان، مانقدرش ندير شي حاجة كاملة، يقدر شي واحد مايفهمش شي حاجة و نقدر حتى انا شي حوايج مانهدرش عليهم وسط الكورس باش نختاصر الوقت، و لكن غانخليهم حتى لهاد المحور، و لي فيه غانشرحلك كيفاش تقدر تواصل معايا اذا وقع ليك شي مشكل او اذا مافهمتيش شي حاجة، و غاندير فيديو كانشرح فيه المشكل ديالك (هاد البلان غايبقا مفتوح طيلة ثلاثة أشهر من بعد ماغاتشري الكورس)
ولكن بلاتي فين غادي؟
إذا كنت من الناس القلال لي قراو هادشي لي الفوق كامل، خاسك تكون رديتي البال لواحد الحاجة ماهدرناش عليها و لي هي: الفلوووووووس
الفلوس واحد الحاجة لي عندها أهمية كبيرة… داكشي علاش دايرلك محور كامل كانهدرلك فيها على كيفاش دخل فلوس من يوتيوب و على شروط تحقيق الدخل… الى اخره من داكشي كامل
و هاذو سيداتي و سادتي كانو هما المحاور ديال الكورس
لنكن صريحين، ديما فالمغرب سواء فالتجارة الإلكترونية سواء فمجال بيع الكورسات… ملي كيوصلو للثمن كايبداو يديرو ديك لعيبة ديال 1700 درهم و كيضربو عليها و كيديرو فبلاصتها 700 درهم، زعما راه دايرين عرض و دوك القوالب ديال 2008 لي جداتك و غاتعيق بهم.
أنا ماغانديرش فحال هاكا، حيت اذا كنت غانبدا الكورس بداك الكدوب و بدوك القوالب فراه ماغايكون حتى فرق بيني و بين الاخرين، و لكن غانكون معاك صريح، هاد الثمن لي حطيتو هو ثمن قليل في حق هاد الكورس، و لكن أنا عارف بلي فالمغرب ماغانقدرش ندير ثمن لي عالي، داكشي علاش من بعد ماضربت الحسبة ديال الزمان و المكان و القيمة ديال الكورس خرجت بثمن 700 درهم.
ملاحظة
الكورس ماكيحبسش هنا... باقي غانزيد فيه شي حوايج خرين مع مرور الزمن، وبالتالي الثمن غايتزاد حتى هو، ولكن اذا شريتيه دبا
غاتستافد من داكشي لي غايتزاد مجانا
طرق و كيفية الدفع
كاين 3 ديال طرق الدفع، تقدر تختار أي وحدة بغيتي فيهم، كيما تقدر تمشي يا إما للوكالة أو تخلص عبر التطبيق الهاتفي، يكفي فقط أن ترسل التوصيل إلى رقم الواتساب
+212641886987
فيديو لشرح طريقة الدفع اذا مافهمتيش
شكون أنا؟
شكون أنا بسلامة باش ندير هاد الكورس؟
هاد السؤال اذا جيت نجاوب عليه بالتفصيل عمرني غانسالي، داكشي علاش غانجيك من لخر و نقولك باختصاااااااااار: أنا هو أوساجي، أول مغربي كيهدر بالدارجة قدر يوصل لمليون متابع بلا مايبين وجهو، كيما انني أول عربي كيهدر فمجال التطوير الذات لي وصل لمليون بلا مايبين وجهو… هادشي كامل درتو بلا حتى مجهود كبير، ماكانلوح والو فانستغرام ماكاندير والو فمواقع التواصل الاجتماعي، كل ماكاندير هو كانحط فيديوهات فيوتيوب، و أظن أن هادشي كافي باش يبين ليك أنني ماشي شي واحد لي كيهدر من فراغ….